Padrinadi - Peder Collet da Riom ha visità sia figliola en l’India
Avant curt è Peder Collet da Riom returnà da l’India, nua ch’el ha visità la segunda giada sia figliola che viva en in asil. Ella è ina figlia da fugitivs tibetans, che vivan a Himachal Pradesh. Grazia in padrinadi da mintgamai 450 francs vegn pussibilità a 900 uffants tibetans da visitar ina scola.
Ses viadis en l’India ch’el ha fatg ensemen cun amis, sajan mintgamai stads fitg enritgonts. Uschia haja el cun la cuminanza tibetana emprendì ad enconuscher in pievel fitg simpatic ed amicabel. Cun la scola e sia figliola ch’ha oz 15 onns haja el contact sur l’entir onn. Grazia ils meds moderns saja quai ozendi bain pussaivel.
1 / 4
Legenda:
Da san.: Duno Bergamin da Cunter, Tenzin Passang, l’administratoura digls padrinadis, Tashi Tsomo e Peder Collet. En la curt dal tempel dal Dalai Lama a Dharamsala.
mad, Peder Collet
2 / 4
Legenda:
En scola.
MAD, Peder Collet
3 / 4
Legenda:
Tashi Tsomo, la figliola da Peder Collet.
MAD, Peder Collet
4 / 4
Legenda:
Tar l’administratoura a chasasa: da san. Tenzin Passang, ses bab, sia mamma, Duno Bergamin, Peder Collet e Renate Masshardt.
MAD Peder Collet
Il padrinadi ha Peder Collet (72) dapi quatter onns. Gia la fin dals onns 60 haja el e sia sora gì contact cun ina matta dal Tibet ch’aveva problems cun asma, ch’haja visità la Svizra per motivs da sanadad. E cura ch’el haja legì il cudesch «Die Tibeterin» da Federica de Cesco saja questa istorgia puspè vegnida endament, uschia ch’el saja sa decidì da surpigliar in padrinadi.
