-
Bild 1 von 3. I vesa ora bain per l'avegnir da La Pagina da Surmeir. Bildquelle: RTR, Federico Belotti.
-
Bild 2 von 3. David Truttmann, il schefredactur da la Fundaziun da Medias Rumantschas FMR. Bildquelle: RTR, Federico Belotti.
-
Bild 3 von 3. Gian Sonder, il president da l'Uniun rumantscha da Surmeir URS. Bildquelle: RTR, Federico Belotti.
Per ils onns 2021 – 2025 ha la Fundaziun Medias Rumantschas FMR suttascrit ina cunvegna cun l’Uniun rumantscha da Surmeir URS. Durant quels onns furneschia la FMR betg mo texts per la Pagina da Surmeir, era il layout da la gasetta – senza fegl uffizial ed inserats – vegnia fatg da la Fundaziun, ha ditg David Truttmann, il schefredactur da la FMR.
Nov persunal redacziunal per La Pagina da Surmeir
Per ademplir a questas pretensiuns vegnian las proximas emnas publitgadas las plazzas necessarias. Per la Pagina da Surmeir sajan previsas 1.5 plazzas cumplainas. Giavischadas sajan era persunas che lavurian ad in temp parzial, uschia Truttmann envers RTR.
A lunga vista èn midadas pussaivlas
Per las lecturas ed ils lecturs da la Pagina da Surmeir sa mida pia pauc l’auter onn – cun excepziun ch’il persunal redacziunal midia. A lunga vista èsi pussaivel ch’ils texts rumantschs da La Pagina da Surmeir vegnan integrads en ina gasetta tudestga sco il Pöschtli u las Novitads. Tenor Gian Sonder, il president da l’Uniun rumantscha da Surmeir URS, haja gia dà discurs, ma concret na saja anc nagut.
RTR actualitad 07:15