Siglir tar il cuntegn

Header

cuntegn

Grischun Central Pagina da Surmeir mantegna dumber d’abunents

Dapi il schaner cumpara la Pagina da Surmeir en in nov layout. Il medem mument è il pretsch da l’abunament s’augmentà per 25% sin 120 francs ad onn. Consequenzas per il dumber d’abunents n’ha quai betg dà, di l’editura da la gasetta.

audio
Bunura: Pagina da Surmeir n’ha betg pers abunents
ord Actualitad dals 19.03.2015.
laschar ir. Durada: 2 minutas 6 Secundas.

Sco quai che Filip Dosch, il president da l’Uniun Rumantscha da Surmeir di, hajan ins pudì mantegnair il dumber dals abunents tar 1’320. Bain hajan radund 20 persunas desditg l’abunament, il medem mument haja quai dentant era dà radund 20 abunents novs cunquai ch’ins haja repartì l’emprima ediziun da quest onn gratuit en tut las chasadas.

La finamira da Filip Dosch è da pudair far reservas da 4’000 fin 5’000 francs ad onn. Ils onns passads ha la Pagina da Surmeir mintgamai fatg in deficit da passa 20’000 francs, deficits ch’èn vegnids cuvrids cun las reservas da l’Uniun Rumantscha da Surmeir.

Artitgels legids il pli savens