Siglir tar il cuntegn

Header

cuntegn

Grischun Central Parc Adula senza plazza da sajettar

La radunanza communala da Valragn ha decidì il venderdi saira, che la plazza da sajettar na duai betg far part al Parc Adula. Suenter lungas discussiuns haja il suveran acceptà cun gronda maioritad questa enclava en il parc, ha ditg il president communal da Valragn Georg Trepp.

Oriundamain vulevan ils da Valragn, che la plazza da sajettar vegnia integrada en il parc, perquai che l’areal porschia ina gronda biodiversitad. Il departament da defensiun VBS na vuleva acceptar che la plazza da sajettar fa part al Parc Adula. La decisiun da Valragn è decisiva, per elavurar la charta dal Parc Adula. L’auter onn duessan las 17 vischnancas dal Grischun e dal Tessin decider, sch’els vulan far part al parc u betg.

Artitgels legids il pli savens