Grischun Central - Parc Ela: Guid da viandar per famiglias
Ils amis da la natira Svizzer ed il Parc Ela han preschentà il guid da viandar Natura Trail en format da giaglioffa. Cun ina excursiun per famiglias en duas etappas: Da Preda via Bravuogn a Filisur e da Filisur a Casti.
Legenda:
Da san.: Franco Ruinelli, suprastant Amis da la Natira Svizra; Paolo Giacometti president Parc Ela; Dieter Müller directur Parc Ela; Thomas Hensel Amis da la Natira Svizra/Cuira; e l'autura dal cudesch Mirjam Wittwer-Rohner, Amis da la Natira Svizra.
RTR, Federico Belotti
2 / 4
Legenda:
Il nov cudeschet ha 100 paginas.
RTR, Federico Belotti
3 / 4
Legenda:
Blers animals ch'èn da vesair cun cletg sin la senda da viandar, èn descrits en il nov guid.
RTR, Federico Belotti
4 / 4
Legenda:
Paolo Giacometti il president dal Parc Ela ha mo laud per il nov cudesch, qua en il Kurhaus da Bravuogn.
RTR, Federico Belotti
L’emprima etappa en il pli grond parc da natira da la Svizra maina sin la senda d’eveniment da la Viafier retica enfin a Filisur. Ina spassegiada fitg varianta per amis da la viafier ed amis da la natira. La segunda va da l’enconuschent viaduct dal Landwasser enavant da la val viador a Casti. Tranteren van ins anc in pau ad aut tar il center geografic dal Grischun, nua ch’il Crap Furò s’auza.
audio
Saira: Cudesch da viandar: Preda-Bravuogn-Filisur
02:19 min, ord Actualitad dals 14.08.2018.
laschar ir. Durada: 2 minutas 19 Secundas.
Il cudesch mussa blers maletgs da la flora, la fauna e la geologia per lung las vias da viandar. Era indicaziuns da stgazis culturals, museums e manaschis gastronomics vegnan menziunads. Dal cudesch datti ina versiun tudestga ed er ina franzosa. Tut las versiuns pon vegnir empustadas tar www.naturfreunde.ch – en vendita è il cudesch er a la staziun da Casti, en ils biros turistics da Savognin e Bravuogn sco era tar il Parc Ela.
