Siglir tar il cuntegn

Header

audio
Retards d'avertura dal Parc Ela Trek
Or da Actualitad dals 25.03.2022.
laschar ir. Durada: 3 minutas 9 Secundas.
cuntegn

Parc Ela Il Trek ha retard

Enstagl da questa stad, vegn il Parc Ela Trek ad esser pront in onn pli tard. Il motiv perquai èn tut las lubientschas e la fasa da scleriment da realisar il project per il svilup regiunal.

Ins avess gugent avert questa stad il Parc Ela Trek. La fasa da scleriment cun ils differents uffizis, survegnir tut las lubientschas e la fin finala er il curt temp da construcziun pussaivel sin in'alp, sajan ils motivs per il retard, uschia Irene Schuler la manadra dal project. Per pudair communitgar tut en ina giada e per avrir l'entir traject cun in event è l'avertura vegnida spustada sin la stad 2023.

Mo a Stugl sa retardescha il project parzial per in ulteriur onn – sin la stad 2024. Il motiv là: ins ha stuì tschertgar ina nova soluziun per la pernottaziun, perquai ch'insatgi è sortì parzialmain dal project.

Irene Schuler
Legenda: Irene Schuler, manadra dal project Parc Ela Trek Toni Poltera

Il Parc Ela Trek

Dapli che 200 kilometers, 18 etappas, en tut 15'000 meters d’autezza ed in temp da viandar da passa 90 uras – Il Park Ela Trek nizzegia tut las sendas da viandar existentas. Pernottà vegn en pensiuns u tegias existentas. Vitiers vegnan da nov la chamona sin Pass dal Set, l’Alp d’Err e l'agroturissem Stugl e Jenisberg.

RTR actualitad 07:00

Artitgels legids il pli savens

Scrollar a sanestra Scrollar a dretga