Siglir tar il cuntegn

Grischun Central Parc natiral Beverin cumpiglia da nov 3 chavorgias

La radunanza da delegads dal Parc natiral Beverin ha decidì il mardi saira d’engrondir il perimeter dal parc. Da nov cumpiglia il parc 3 chavorgias: la Ruinaulta, la Viamala e la Pùntcrap-Rofflaschlucht.

Persunas durant ina radunanza en ina sala.
Legenda: Hansjörg Hassler, il president dal Parc natiral Beverin, ha manà tras la radunanza generala. RTR, F. Belotti

La raschun per l’engrondiment dal parc è la nova vischnanca fusiunada Stussavgia,ch’è ida en vigur il 1. da schaner 2013. Stussavgia ha gia ordavant decidì, da prender si en il perimeter dal parc era las fracziuns da Versomi e Valendau.

Da nov cumpiglia il parc ina surfatscha da 413 km2 cun 3’000 abitants, enfin ussa eran quai 373 km2 cun 2’500 abitants. L’engrondiment dal parc va en vigur l’onn 2016.