Siglir tar il cuntegn

Header

cuntegn

Parc natiral Beverin La sfida luf

Il Parc natiral Beverin vul daventar il lieu d'infurmaziun e cumpetenza en dumondas da luf. Il triep che procura quels dis per lingias grassas è daventà in problem ed uschia sustegna il parc er las mesiras da regular ils lufs en il perimeter dal parc.

Enfin uss era la devisa dal Parc natiral Beverin ina posiziun neutrala en dumondas da lufs. Cun la nova situaziun da lufs che s’avischinan adina puspè er a persunas e na mussan betg ina distanza sauna, saja cuntanschì in nov stgalim. Perquai sustegna il Parc la proposta da l'Uffizi da chatscha da regular, respectivamain da sajettar ils lufs problematics.

audio
Thomas Buchli, president Parc natiral davart il luf ed il parc
03:01 min, Actualitad dals 01.09.2021.
laschar ir. Durada: 03:01 minutas.

Daventar in lieu da cumpetenza

Il president dal Parc natiral Beverin Thomas Buchli vuless ch'il parc surpiglia ils proxims onns ina rolla centrala en dumondas dal luf. Uschia duess vegnir manada ina discussiun objectiva en dumondas da luf – senza ludar ni smaladir l'animal da rapina. En in figl da posiziun elavurà la fin d'avust da quest onn ha il Parc natiral Beverin er formulà il giavisch ed l’intent da far in pass activ envers agricultura e turissem per esser in partenari d'infurmaziun e communicaziun en chaussas da luf.

RTR actualitad 12:00

Artitgels legids il pli savens

Scrollar a sanestra Scrollar a dretga