Siglir tar il cuntegn

Header

audio
Parc Beverin: infos contract dal parc per VOT 2021
Or da Actualitad dals 19.06.2021.
laschar ir. Durada: 02:37 minutas.
cuntegn

Parc Natiral Beverin Sa preperar per ils proxims diesch onns parc

Las nov vischnancas dal Parc Natiral Beverin, decidan quest atun sch’ellas vulan cuntinuar per ulteriurs diesch onns cun il parc. I va per la fasa da manaschi 2023 enfin 2032. Il mument vegn infurmà a las radunanzas communalas.

Las vischnancas paran dad esser fitg cuntentas cun la lavur prestada enfin uss dal Parc Natiral Beverin. Roman Schamaun, il president communal da Ziràn resumescha: «Il Parc fa buna lavur e nus n'havain nagut da reclamar». La directura Ramona Liebeton visita il mument cun diversas collavuraturas e collavuraturs las radunanzas communalas per entrar en discurs cun la populaziun. «Ina communicaziun averta è la basa per sa sviluppar» di Liebeton.

Ramona Liebeton
Legenda: La manadra dal parc natiral Beverin Ramona Liebeton. Tona Poltera

La visiun dal parc saja tranter auter da promover il spiert da piunier cun lantschar ideas innovativas per la regiun e quai cun integrar fitg la populaziun.

Il luf ed il parc

Ina gronda dumonda è en il mument il luf. Il triep dal Beverin chaschuna inquietezza e dumondas tar la populaziun. Tenor Ramona Liebeton ha il parc la funcziun neutrala, «ina funcziun dad intermediar», pertge las responsabladas sajan cleras ed il parc na fetschia nagina politica.

RTR Actualitad 08:00;

Artitgels legids il pli savens

Scrollar a sanestra Scrollar a dretga