En ses lavuratori en il Surses ha Mario Scarpatetti (34) creà 11 exemplars d'ina nova ura da bratsch. Sco gia tar l'emprima seria sa tracti da pura lavur manuala: circa 50 uras da fabricaziun ha Scarpatetti duvrà per mintga singul toc – vitiers vegnan anc las uras da las firmas ch'han producì tocca sin mesira. Il spezial da la nova ura è ina pitschna staila che inditgescha mintga ura cumplaina. E sin la curuna da l'ura è da vesair il Piz Mitgel.
Ina tala ura è insatge tut spezial – ella collia art artisanal il pli aut cun in toc olma grischuna.
La seria ch'è limitada ad 11 exemplars custa 19'000 francs per ura. In'ura saja gia vendida, di Scarpatetti, ma el quinta che cura che l’ura giaja en la vendita uffiziala saja dumonda per questa gronda sco tar l’emprima ediziun.
-
Bild 1 von 7. La nova seria da l'ura è pronta. Bildquelle: RTR.
-
Bild 2 von 7. La nova seria da l'ura è pronta. Bildquelle: RTR.
-
Bild 3 von 7. Quest toc ha Scarpatetti taglià ora a maun. Bildquelle: RTR.
-
Bild 4 von 7. Cun 16 onns ha Mario Scarpatetti fatg l'emrendissadi d'urer. Bildquelle: RTR.
-
Bild 5 von 7. En il lavuratori a Parsonz. Bildquelle: RTR.
-
Bild 6 von 7. En il lavuratori a Parsonz. Bildquelle: RTR.
-
Bild 7 von 7. Qua vegnan las uras producidas. Bildquelle: RTR.
Finanzialmain pussibilità la producziun ha Luzi Thomann ch'ha prefinanzià il project ed ha uschia pussibilità da cumenzar cun la nova seria. Cun questa ediziun cumprova Scarpatetti danovamain che l'art d'urers tradiziunal ha sia plazza er en il Grischun – lunsch davent dals gronds centers da l'industria d'uras svizra.