Per el saja il metter a disposiziun plazzas da campar sin il bain puril collià cun nagin ristg, raquinta Rafael Demarmels, pur a Parsonz. Il lieu saja qua, electricitad, aua e la pussaivladad da svidar las tualettas en la puschinera er. Uschia saja quai ina buna offerta per tuts èn el e sia dunna Salome persvas.
E cun quai che la purschida da la plattafurma digitala landcamp.ch saja l'emprim onn gratuita,saja er quai nagin ristg. Gronda reclama na vegnan els betg a far, tradescha la dunna e sch'i na plascha betg d'avair adina travasch enturn stalla dettia er la pussaivladad da dir na a dumondas ni da chalar cun porscher plazas da campar per autorulottas.