Glindesdi saira ha ina bova sutterrà la via sur il Pass da l'Alvra. Plirs 100 meters cubic material sajan vegnids giu tranter Preda e l'ospizi. Quai ha communitgà Gion Dosch da l'Uffizi da vias envers RTR.
Ferma plievgia e granella hajan mess en moviment ina spunda. Il territori è sin radund 2'200 meters sur mar. Las lavurs da rumida hajan cumenzà mardi a bun'ura. Dapi il mezdi è la via sur il Pass da l'Alvra puspè charrabla senza restricziuns.