Siglir tar il cuntegn

Header

cuntegn

Grischun Central Pass dal Güglia: Bova ha lavà ora la via

La via sur il pass dal Güglia tranter Tinizong e Rona restà probabel serrada fin sonda saira per vehichels da sur 7,5 tonnas. Autos da persunas e autos da furniziun fin a 7,5 tonnas pon passar il traject sin in vial. In sviament per il traffic pesant è sur il pass dal Flüela.

Las plievgias intensivas da las ultimas emnas ha chaschunà ina bova en in tschancun da la via tranter Tinizong e Rona per ir sur il pass dal Güglia, scriva la polizia chantunala. La bova ch’è vegnida mo plaun ha chaschunà ch’ils mirs da sustegn èn per parts ruts e la via chantunala è sa sbassada sin ina lunghezza da radund 50 meters. Perquai ch’i smanatscha da rumper tras la via vala il scumond per il traffic pesant sin quest tschancun.

audio
Bunura: Via tranter Tinizong e Rona serrada per camiuns
ord Actualitad dals 28.06.2016.
laschar ir. Durada: 1 minuta 52 Secundas.

Mesiras immediatas

L’Uffizi da construcziun bassa dal Grischun ha immediat instradà mesiras per segirar la via. Las lavurs previsas vegnan probabel a cuzzar fin la sonda ils 2. da fanadur 2016, uschia ch' alura po era il traffic pesant passar il lieu sin in vial. Las ulteriuras lavurs da mantegniment vegnan probabel a cuzzar dus mais, scrivan ils responsabels.

RR novitads 18:00

Artitgels legids il pli savens