Siglir tar il cuntegn

Header

audio
Park Ela Trek – Chamona Pass dal Set
Or da Actualitad dals 22.06.2022.
abspielen. Laufzeit 2 minutas 53 Sekunden.
cuntegn

Pass dal Set Viandantas empè da schuldads en la chamona militara

Las lavurs da renovar l’anteriura chamona dal militar sin il Pass dal Set han cumenzà. A partir da la stad da l’auter onn stattan a disposiziun 16 plazs da pernottar sin il nov Parc Ela Trek.

En tut investescha l’uniun PRE Parc Ela Trek radund 860’000 francs. La gronda part da quels daners vegnan pajads da la vischnanca da Surses, dal chantun e da la Confederaziun. Contribuziuns pli pitschnas datti da las vischnancas da Seglias en Engiadina, Avras, Bregaglia, da l’uniun Alpinfra e da la Pro Patria.

Corporaziun d'alp maina chamona

Manada duai la chamona dal Pass dal Set vegnir da la corporaziun d’alp Cavreccia Settimo. Ella vegn ad affittar la chamona da la vischnanca da Surses. Tenor ina stimaziun pudess la chamona generar ina svieuta da 88’000 francs ad onn, quai en il tschintgavel onn da manaschi.

Avertura dal trek è l'auter onn

Il Parc Ela Trek ch’è gia plirs onns en planisaziun, duai avrir la stad da l’onn proxim. Sin 225 kilometers vai sin sendas da viandar existentas sur 18 etappas sur pass, alps e crestas en ed enturn il Parc Ela. Mintga etappa cuzza en media tranter quatter fin tschintg uras. Pernottà vegn en chamonas, hotels, sin l’alp e sin bains purils. Auters projects parzials da PRE (projects per il svilup regiunal) èn l’agroturissem Alp d’Err, l’agroturissem Valplana/Jenisberg, las tigias da Val Faller ed in Bed and Breakfast a Stugl.

RTR novitads 06:00;

Artitgels legids il pli savens

Scrollar a sanestra Scrollar a dretga