Siglir tar il cuntegn

Header

aselgina da Mut cun vista sin la vischnanca da Vaz.
Legenda: La baselgina da Mut cun vista sin la vischnanca da Vaz. RTR, F. Belotti
cuntegn

Grischun Central Pe da taglia da Mut resta sin 130%

La radunanza communala da Mut/Mutten ha approvà il preventiv dal 2016. Quel prevesa in minus da 52‘160 francs tar expensas da 1‘037‘260 francs. Il pe da taglia restar tar 130% da la taglia chantunala simpla.

Plinavant ha il suveran da Mut approvà in credit da bun 23’000 francs per modernisar ed adattar als basegns da l’ambient il tschiffaballas da la plazza da tir. La vischnanca Albula/Alvra sa participescha cun 25% vi dals custs totals. Plinavant èn ils da Mut vegnids infurmads davart la fusiun planisada cun Tusaun. Quella duai ir en vigur l’emprim da schaner 2017. Las votaziuns èn planisadas a las radunanzas communalas da l’avrigl 2016, Tusaun sto supplementarmain decider a l’urna il zercladur 2016.

Dapli da Grischun Centralavrir la Landingpage

Nach links scrollen Nach rechts scrollen