Siglir tar il cuntegn

Grischun Central Pendicularas da Lai – Substitut daventa successur da Hunziker

Peter Engler è il nov directur da las Pendicularas da Lai. El è vegnì elegì oz a la radunanza dal cussegl d’administraziun sco successur da Thomas Hunziker. Lez aveva annunzià l’avrigl passà da sa retrair sin la fin da zercladur sco CEO da las Pendicularas da Lai SA.

(da sanester) Peter Engler, Linda Netzer e Thomas Hunziker.
Legenda: (da sanester) Peter Engler, Linda Netzer e Thomas Hunziker. Keystone

Peter Engler è stà ils ultims trais onns il manader da l’administraziun e substitut dal CEO da las Pendicularas da Lai. L'um da 53 onns vala sco expert da la branscha turistica. Las Pendicularas da Lai èn ledas d'avair chattà cun Engler in successur per Hunziker or da las atgnas retschas.

Successiun ord atgnas retschas

Cun Linda Netzer hajan ins era pudì reglar la successiun da Peter Engler cun ina atgna collavuratura. La spezialista da turissem lavura dapi 7 onns tar las Pendicularas da Lai e surpiglia a partir da l’emprim da fanadur 2015 la posiziun sco manadra da l’administraziun e substituta dal nov CEO Peter Enlger.

RR novitads 18:00