Siglir tar il cuntegn

Header

La nova Pendiculara da Curvalda-Heidbüel è vegnida averta la davosa stagiun d'enviern.
Legenda: La nova Pendiculara da Curvalda-Heidbüel è vegnida averta la davosa stagiun d'enviern. mad
cuntegn

Grischun Central Pendicularas Lai: Buna stad, enviern difficil

Malgrà che las Pendicularas da Lai SA han gì ina fitg buna stad han ellas fatg l'onn da fatschenta 2015/16 ina perdita da radund in mez milliun francs. Quai han las pendicularas communitgà a la radunanza generala da sonda suentermezdi.

Era la pendiculara tranter Lai ed Arosa ha transportà pli pauca glieud.
Legenda: Era la pendiculara tranter Lai ed Arosa ha transportà pli pauca glieud. RTR, F. Belotti

Sco quai che las pendicularas scrivan, haja la stad mo ina pitschna muntada en congual cun la stagiun d’enviern. Dus fitg buns dis da l’enviern tanschian per far las medemas entradas sco l’entira stad.

Pauca naiv - paucs sportists

La stagiun d’enviern n’è betg stada buna. Nagina naiv natirala enfin il mez da schaner e suenter bler’aura cun pauc sulegl las fins d’emna hajan laschà star a chasa ils sportists d’enviern. Il retgav da gestiun è sa reducì per 4.8% sin 26.8 milliuns francs.

Ulteriur potenzial la stad

En tut han radund 700’000 giasts visità il territori da skis da Lai, quai èn 3.3% pli pauc che l’onn avant. In record saja stà la stad: La svieuta da traffic saja s’augmentada per tschintg pertschient sin 1.5 milliuns francs. Malgrà questas bunas cifras vesan las pendicularas anc dapli potenzial da svilup la stagiun da stad.

Artitgels legids il pli savens

Scrollar a sanestra Scrollar a dretga