Siglir tar il cuntegn

Header

Pendicularas Lai.
Legenda: Las Pendicularas da Lai han fatg in gudogn da stgars 245'000 francs la stagiun 2019/20. Keystone
cuntegn

Pendicularas Lai Malgrà stagiun pli curta, resta in gudogn

Las Pendicularas Lai cuntanschan in gudogn, malgrà che la stagiun d'enviern è ida a fin sfurzadamain in mais pli baud che usità. Quai pervi da la pandemia.

Per l'onn da fatschenta 2019 / 2020 annunzian las Pendicularas Lai uschia in gudogn da stgars 245'000 francs. Quai haja er da far cun il bun cumenzament da la stagiun, scriva l'interpresa. Durant las vacanzas da Nadal ed il favrer durant quellas da sport hajan las pendicularas registrà svieutas e dumbers da visitaders da record. La svieuta è però sa reducida – cumpareglià cun il record da l'onn passà – per var 4% sin passa 26 milliuns francs.

Plinavant scrivan las Pendicularas Lai, ch'ils pretschs dinamics introducids avant trais onns sajan sa cumprovads. Uschia vendian els dapli cartas da skis online. L'onn da fatschenta passà hajan els vendì passa la mesadad da las cartas dal di e da plirs dis online. Quai correspundia ad ina volumen da 13,5 milliuns francs.

RTR novitads 17:00

Artitgels legids il pli savens

Scrollar a sanestra Scrollar a dretga