Legenda:
Surtut la stad da l'onn passà è stada fitg allegraivla per las Pendicularas da Lai.
RTR, Federico Belotti
I saja stà in onn cun auts e bass bilantschescha Peter Engler, il directur partent da las Pendicularas da Lai il davos onn da gestiun. Il punct culminant hajan las pendicularas cuntanschì la stad da l’onn passà. Cun 2,5 milliuns emprimas entradas saja quai stà la meglra stad en l’istorgia da las Pendicularas da Lai, stat scrit en il rapport annual. Main allegraivel saja stà il cumenzament da l’enviern passà. Quitads hajan fatg las grondas malsegirtads pertutgant l'avertura dal territori da skis. Uschia hajan las pendicularas gì da registrar in minus da giasts da 30% sur las festas da Nadal e Bumaun. La blera naiv, la bell'aura ed il grond dumber da giasts Svizzers, hajan alura però procurà per ina fin da la stagiun d’enviern solida.
audio
Per tadlar curt e cumpact
ord Novitads dals 02.09.2021.
laschar ir. Durada: 59 Secundas.