Siglir tar il cuntegn

Header

cuntegn

Grischun Central Pendicularas Savognin – il directur viva en l’Austria

Pervia da raschuns famigliaras ha il directur administrativ da las Pendicularas da Savognin midà sia dimora da Savognin enavos en sia patria l’Austria. El sez vesa era avantatgs en questa midada.

audio
Mezdi: Pendicularas Savognin - directur lavura be in di ad emna là
ord Actualitad dals 10.10.2017.
laschar ir. Durada: 1 minuta 56 Secundas.

Sco quai che Christian Prinz ha ditg envers RTR, funcziunia quai bain en sia funcziun sco directur administrativ, quai en cumbinaziun cun il directur tecnic Curdin Baltermia. El saja regularmain a Savognin, e quai che pertutga la contabilitad saja quai tuttina nua ch’in directur sesa. Cun lavurar da l’Austria anora dettia quai era novs contacts nua ch’ins possia profitar da la gruppa, che gestiunescha differents territoris da skis.

Plinavant ins haja engaschà in’ulteriura persuna che fetschia lavurs administrativas a Savognin. Era il president dal cussegl administrativ da las Pendicularas Savognin Markus Schröcksnadel di, ch’il lieu nua ch’il directur lavura saja secundar. En l’Austria dettia quai per exempel in territori da skis nua che l’administraziun saja dapli che 100 kilometers davent dal territori da skis.

RR actualitad 12:00

Artitgels legids il pli savens