Pendicularas Savognin vendan 2'500 cartas dal di cun 66% rabat

Durant il mais d’october èsi stà pussaivel da cumprar cartas dal di per damain che 20 francs. Las pendicularas èn cuntentas. La gronda part da las cartas vendidas sajan cartas dal di per creschids. En tut èn vegnidas vendidas cartas dal di per prest 50’000 francs.

L'acziun è terminada e quai cun success. Bild in Lightbox öffnen.

Legenda da maletgs: L'acziun è terminada e quai cun success. RTR, Federico Belotti

Sco quai che Christian Prinz, directur da las Pendicularas da Savognin, ha ditg, sajan radund 20% dals cumpraders persunas da l'exteriur. Normalmain muntia questa quota mo a 5%.

La gronda part dals cumpraders derivia da la Germania. Ins haja però era vendì cartas a persunas da l'Austria, da la Tschechia, Ungaria e Slovachia. Auters onns na haja betg giu tants turists da quests pajais a Savognin. Era sche l'acziun saja stada in success, na quintia il directur da las pendicularas betg da repeter l'acziun en questa furma.

RR actualitad 07:00