Siglir tar il cuntegn

Grischun Central Per scolars da Lantsch è rumantsch «cool»

La scola primara da Lantsch ha tractà il rumantsch en in’emna da project dals 9 fin 13 d’avrigl. Igl ha dà differents lavuratoris e visitas en las vischnancas rumantschas da la Val d’Alvra. Cun l’emna da project duain scolars e geniturs vegnir sensibilisads per l’impurtanza dal rumantsch.

Sco quai che Damian Dosch, il manader da la scola Val Alvra Dafora ha ditg, haja la scola rumantscha da Lantsch adina dapli fadia d'esser ina scola rumantscha. Il problem saja, ch’adina dapli scolaras e scolars derivian da famiglias da lingua tudestga. En scolina derivian per exempel 5 da 19 scolarets da famiglias betg rumantschas. Cun l’emna da project cun il titel «Rumantsch è cool» han ins vulì far attent sin l’impurtanza dal rumantsch, uschia Damian Dosch.

Durant l’emna da project ha la scola tranter auter visità la Lia Rumantscha ed RTR a Cuira, ed igl ha dà in concert cun Pascal Gamboni. Ils resultats da las scolaras ed ils scolars èn vegnids preschentads al «café rumantsch» la gievgia saira.

RR actualitad 08:00