Siglir tar il cuntegn

Grischun Central Pers la fidanza en la suprastanza da la plaiv Alvra

En ina votaziun consultativa han las votantas ed ils votants decidì da betg pli sustegnair la suprastanza actuala da la plaiv catolica Alvra ch’ha anc 3 commembers. Dus avevan inoltrà la demissiun sin la radunanza da venderdi saira a Surava. La raschun: Discordia aifer la suprastanza.

Legende: Audio Bunura: Votum da disfidanza cunter suprastanza da plaiv Alvra abspielen. Laufzeit 03:47 Minuten.
03:47 min, Actualitad dals 30.06.2018.

27 persunas han votà da vulair sustegnair la suprastanza actuala, e 45 persunas han votà cunter in sustegn en l’avegnir. Werner Wind, il president da la plaiv, ha ditg suenter la votaziun ch’el saja schoccà da quest resultat. El prendia enconuschientscha da quest resultat negativ, ina demissiun per immediat na vegnia dentant betg en dumonda. La suprastanza vegnia ussa ad analisar la situaziun ensemen cun la cumissiun da gestiun e suenter quai agir.

Jau sun schoccà da quel resultat.
Autur: Werner Windpresident plaiv catolica Alvra

Sergio Bossi ch’è sa retratg da la suprastanza aveva anc fatg la proposta da laschar vuschar davart ina demissiun in corpore da l’entira suprastanza. Il president Werner Wind ha dentant fatg valair che quai na correspundia betg al dretg svizzer. L’elecziun substitutiva per ils dus suprastants ch’han abditgà n’è dentant betg pli ida en votaziun, curt avant mesanotg è la radunanza da venderdi saira vegnida terminada suenter bleras discussiuns impulsivas.

La radunanza da la vischnanca da plaiv è stada bain visitada.
Legenda: La radunanza da la vischnanca da plaiv è stada bain visitada. RTR, Federico Belotti

RR actualitad 06:00