Il guaud magic da Lai vegn spustà. Il motiv è la pandemia da corona. Ils ristgs d’organisar il festival sajan simplamain memia gronds, han communitgà ils organisaturs.
Pervia da la situaziun actuala stoppian ins adina quintar cun novas decisiuns da las autoritads. Ins na possia betg ristgar, ch’ins stoppia a la fin purtar tut ils custs. L’otgavla ediziun dal festival duai uss avair lieu il december 2021.
