A la radunanza communala dad ier saira ha il suveran approvà il credit da 760'000 francs. Il zercladur aveva il suveran anc refusà la dumonda da credit. Raschun eran las bandas montadas fixas. Uss datti bandas moviblas che pon vegnir allontanadas. Quai ha communitgà la vischnanca.
Pe da taglia vegn sbassà
Plinavant èsi vegnì decidì ch’il pe da taglia vegn sbassa sin 75% da la taglia chantunala simpla. Oriundamain muntava il pe da taglia a 90%. Er il preventiv per l’onn che vegn ha la radunanza approvà. Quel prevesa in surpli da 233'201 francs. Quai tar extradas da total 5'849'499 francs ed entradas da total 6'082'700 francs.
RR novitads 09:00