-
Bild 1 von 4. Il glatsch per ir cun patins e per giugar curling vegn fatg mintga enviern sin quest areal. Bildquelle: RTR, Federico Belotti.
-
Bild 2 von 4. L'infrastructura da la plazza da sport na correspunda betg pli a las pretensiuns dad ozendi. Bildquelle: RTR, Federico Belotti.
-
Bild 3 von 4. La plazza da sport a Lai è vegnida en ils onns. Bildquelle: RTR, Federico Belotti.
-
Bild 4 von 4. Bildquelle: RTR.
A la retschertga èn 678 persunas sa participadas e 70% da quellas han fatg part l'enquista han la dimora en vischnanca da Vaz. La quota da participaziun saja fitg legraivel, ha ditg Maurin Malär, il manader da la cumissiun dal cussegl communal che s'occupa cun l'avegnir da la plazza da sport.
Stad ed enviern
L'enquista haja tranter auter mussà ch'i dovria en l'avegnir ina plazza da sport moderna che po vegnir duvrada da stad ed enviern. Pliras giadas esi vegnì menziunà en la retschertga ch'ins stoppia reponderar il lieu actual da la plazza da ballape sut il café Aurora.
La finamira da la cumissiun plazza da sport è, dad examinar ils puncts numnads. Enfin la fin matg 2020 vul la cumissiun preschentar emprims resultats da l'evaluaziun da l'enquista. Pervi da quai vegn la cumissiun a discurrer cun tut las uniuns che profiteschan da la plazza da sport sco er cun experts da traffic, planisaziun e construcziun.
Ord l'archiv
Ils 10.02.2019 ha il suveran da Vaz refusà a l'urna il project che vuleva modernisar la plazza da sport per radund 6 milliuns francs. En la contribuziun dal Telesguard da la dumengia da votaziuns dat ina survista da las raschuns daco che quel project ha fatg naufragi a l'urna.
RR novitads 06:00