Sco quai che Carmen Dedual da la Lia Rumantscha ha ditg, saja il dumber da texts ca. en il rom dals auters onns. Da nov ha il Grischun Central in’atgna premiaziun, e sa participescha betg pli cun la Surselva. L’avantatg saja tranter auter ch’ils viadis per las scolaras ed ils scolars na sajan betg pli uschè gronds sco avant.
En il Grischun Central han gudagnà la Plima d’aur Lisa Michael da Donat (categoria 3./4. Classa), Lara Catschegn da Donat (categoria 5./6. Classa) ed Ursina Cola da Riom (categoria 7.-9. Classa).
Las victuras ed ils victurs da l’Engiadina èn: Alina Locher da Cinuos-chel (categoria 5./6. classa), Sina Hartmann da Samedan (categoria 3./4. Classa) e Raffaela Pfiffner da Sent (categoria 7.-9. Classa).
En Surselva han gudagnà: Anja Schmuki da Mustér (categoria 3./4. Classa), Leila Seeli da Vuorz (5./6. Classa) e Rebecca Cajacob da Sumvitg (categoria 17-25 onns).
Plinavant hajan las giurias lavurà per l’emprima giada tenor criteris da valitaziun standardisads, e nov saja era che mintgamai dus scriventas e scrivents dals megliers texts pro regiun possian preleger lur texts als dis da litteratura a Domat ils 8 da november.
RR novitads 06:00