Siglir tar il cuntegn

Grischun Central Pliras persunas blessadas tar collisiun sper Ziràn

Il venderdi avantmezdi hai dà ina collisiun frontala tranter dus autos da persunas sin l'autostrada A13 sper Ziràn. Pliras persunas èn vegnidas blessadas, in um è grev blessà.

Dus autos ch'èn collidads frontal.
Legenda: Il venderdi avantmezdi èn dus autos da persunas collidads datiers da Ziràn. Polizia chantunala

In auto era sin viadi da Tusaun en direcziun sid. Curt suenter l’access da Ziràn, là è in sectur da plazzal separà cun ina saiv da segirezza, ha l'auto prendì il vial fallà ed è collidà frontalmain cun in auter auto.

Sis persunas blessadas

Il manischunz da l’auto che vegniva encunter ha la Rega transportà cun grevas blessuras en l’ospital chantunal a Cuira. Las tschintg persunas en l’auto ch’è charrà sin il vial fallà han blessuras levas fin mez grevas. Quests blessads han duas ambulanzas transportà en l’ospital a Tusaun.

L'autostrada è stada serrada durant in’ura e mesa. La polizia ha svià il traffic sur la via chantunala.

In lieu d'accident.
Legenda: Tant la Rega sco ambulanzas hai duvrà per transportar ils blessads en ospitals. Polizia chantunala

RR novitads 14:00