Prender cumià d'ina persuna charezzada è per ils survivents adina ina situaziun extraordinaria. Mintga persuna va enturn auter cun il mal. Il post per cordoli e crisa FKT Ost («Fachstelle für Krisen- und Trauerbegleitung») è vegnì fundà per porscher in lieu d'orientaziun per persunas en malencurada e per persunas dal fatg. In lieu da contact per s'infurmar, intermediar ed accumpagnar.
audio
Irene Ardüser: «Cordoli è ina reacziun sauna, ma dovra sustegn ed accumpagnament.»
ord Actualitad dals 07.07.2022.
laschar ir. Durada: 3 minutas 32 Secundas.
Irene Ardüser, la presidenta dal post per cordoli e crisa, ha avant passa in'onn fundà cun autras persunas dal fatg il post FKT Ost. Ella è surstada dal resun ed interess per la lavur entaifer quel curt temp. Quai mussia ad ella ch'il basegn per in tal post exista e ch'il tema da la mort ed ina crisa eventuala ordlonder, saja insatge da tematisar.