Sco quai che Niculin Josty, il co-manader da la Bravuogn Filisur Turissem SA ha ditg envers RTR, hajan ins gia daditg tschertgà ina soluziun da controllar las scarsoladras ed ils scarsoladers. Tar controllas sporadicas hajan ins mintg’onn constatà, ch’i deva adina puspè persunas cun in abunament general, che n’hajan betg pajà la taxa che custa quest enviern 7,50 francs per mintga viadi. Cun quest nov sistem possian ins ussa garantir, che tuttas e tuts pajan la taxa necessaria.
-
Bild 1 von 2Legenda: Niculin Josty, il co-manader da la Bravuogn Filisur Turissem SA tar la staziun da val da la sutgera Bravuogn-Darlux. RTR -
Bild 2 von 2Legenda: La taxa da scarsolar po vegnir pajada vi da l'automat u era tar la cassa da la sutgera. RTR
L’investiziun da 100’000 francs quinta Josty ch’ins possia amortisar en radund quatter onns. Perquai ch'ins haja constatà tar las controllas sporadicas, che radund 10% da la glieud n’haja mintgamai betg paja la taxa necessaria. L’emploià che haja adina fatg las controllas vegnia era quest onn a lavurar almain 200 uras. El vegnia dentant da nov ad esser incumbensà cun gidar a la glieud, ed a dar infurmaziuns.