Siglir tar il cuntegn

Header

Navigaziun

Scolaras e scolars da la scola da Donat durant la pausa.
Legenda: Actualmain dumbra la scola da Donat 29 scolaras e scolars. 10 dad els van en l’emprima classa. RTR
cuntegn

Grischun Central Premi SRG.R va a la scola primara da Donat

Il premi SRG.R va quest onn en la Val Schons a la scola primara da Donat en renconuschientscha da sia premura per la tgira e promoziun da l’idiom sutsilvan. Il premi vegn surdà a chaschun da la radunanza generala da la SRG.R ils 15 da zercladur a Laax.

Sco suletta scola sutsilvana ha la scola da Donat adina puspè da cumbatter per meds d’instrucziun actuals e moderns. Per il pli translateschan las scolastas ed ils scolasts gist sezs il material d’instrucziun, e quai è adina er cumbinà cun engaschament e lavur supplementara.

Premi SRG.R

Personen-Box aufklappenPersonen-Box zuklappen

La SRG.R surdat mintg’onn in premi a persunas u instituziuns che s’engaschan a moda extraordinaria per linguatg e cultura rumantscha.

Il premi SRG.R è dotà cun 8’000 CHF e vegn surdà a chaschun da la radunanza generala da la SRG.R ils 15 da zercladur a las 10:30 en l’aula Grava a Laax.

La scola da Donat è la suletta ch’instruescha il rumantsch sutsilvan. Enfin la 3. classa vegn instruì sulettamain sutsilvan, a partir da la 4. classa vegn il tudestg pli e pli impurtant, ed en la scola superiura dominescha lura il tudestg. Ils scolars Rumantschs han dentant vinavant lecziuns da rumantsch empè da talian e pon eleger il talian sco rom facultativ.

Scolaras e scolars da la scola da Donat durant la pausa.
Legenda: Actualmain dumbra la scola da Donat 29 scolaras e scolars. 10 dad els van en l’emprima classa. RTR

Fusiun da scolas en Val Schons

L’onn 2010 ha la scola da la Val Schons fatg in pass fitg impurtant, ha ditg il manader da la scola Philipp Hugentobler sin dumonda. La Val Schons ha numnadamain fusiunà sias scolas, uschia ch’ils uffants da l’entira val pon eleger suenter la scolina schebain els vulan ir a scola rumantscha u tudestga. Quai saja stà il salvament per la scola da Donat.

RR novitads 11:00