Siglir tar il cuntegn
Inhalt

Grischun Central President communal da Vaz è vegnì reelegì

Il president communal da Vaz Aron Moser è vegnì reelegì per in'ulteriura perioda d'uffizi da trais onns, che cuntinuescha il schaner da l'auter onn. Quai scriva la vischnanca da Vaz en ina communicaziun.

Aron Moser.
Legenda: Aron Moser è vegnì reelegì dal suveran. RTR, Tona Poltera

Aron Moser ha survegnì 657 vuschs, ses cuntracandidat Lucas Margreth ha survegnì 423 vuschs. Quai ha confermà la vischnanca da Vaz sin dumonda da RTR. Aron Moser ch'ha 62 onns vul il schaner lantschar ina sesida, nua ch'ins vul definir, tge ch'ins veglia cuntanscher ils proxims trais onns, ha el ditg ad RTR suenter l'elecziun. Meglra duess en l'avegnir daventar la communicaziun. Uschia duessi dar dapli infurmaziuns publicas cun contact direct cun ils abitants.

Lucas Margreth.
Legenda: Il cuntracandidat Lucas Margreth n'è betg vegnì elegì. RTR, Tona Poltera

Thomas Parpan è nov commember da la suprastanza

Da nov part da la suprastanza communala da Vaz fa Thomas Parpan. El remplazza Dominik Schäfer. Ils ulteriurs commembers da la suprastanza Elisabeth Sigron-Cantieni, Sascha Ginesta ed Armin Margreth èn vegnids reelegids.

RR novitads 14:00