Siglir tar il cuntegn

Header

cuntegn

Grischun Central Probabel fusiun pitschna en Val Schons

Las vischnancas da Casti-Vargistagn, Donat, Lon e Maton vulan lantschar ina fusiun. L’interess da las autras vischnancas da la Val Schons da sa participar vi da la fusiun, na para il mument dentant betg dad esser grond.

Visualisaziun da la Val Schons e las vischnancas che vulan fusiunar e quellas che na vulan betg.
Legenda: Las vischnancas pitschnas da la Val Schons fissan prontas da fusiunar. RTR Grafica/Swisstopo/Chantun Grischun

L’intent è da preparar ina votaziun da fusiun sin l’auter onn. Accumpagnads vegnan las vischnancas che vulan fusiunar da la Scol’auta da tecnica ed economia da Cuira. En il decurs da quest mais han lieu ils emprims discurs.

audio
Bunura: Mo las pitschnas vischnancas en Val Schons vulan fusiunar
ord Actualitad dals 05.02.2019.
laschar ir. Durada: 3 minutas 41 Secundas.

Ina fusiun da l’entira val na vegnia probabel betg a dar. Il president communal d’Andeer Hans-Andrea Fontana ha ditg envers RTR, ch’ins saja avert per ina fusiun. Ina fusiun fetschia dentant mo senn cun tut las vischnancas da la Val Schons. Tenor el fissi era bun sch’i dess l’emprim ina fusiun pitschna da las vischnancas da la muntogna da Schons.

Er Ziràn-Reschen na vul betg sa participar vi da la fusiun sche Andeer di na, ha ditg Roman Schamaun, il president communal da Ziràn-Reschen. Nagin tema da fusiunar èsi il mument per Runtgaglia/Rongellen e Ferrera, envers RTR han ils dus presidents communals ditg ch’ina fusiun faschess mo senn sche l’entira val fusiunass. Ins na vesia il mument però nagin basegn da fusiunar, han ditg ils dus presidents.

RR actualitad 07:00

Artitgels legids il pli savens