Siglir tar il cuntegn

Grischun Central Project grond a Savognin po vegnir bajegià

La suprastanza communala da Savognin ha dà la lubientscha da bajegiar per il hotel e bogn Barnagn ed il ressort da vacanzas Viols. Tut ils recurs inoltrads èn vegnids refusads, scriva la vischnanca da Savognin en ina communicaziun.

project Viols al Lai Barnagn a Savognin
Legenda: Las lavurs da construcziun duain cumenzar l'onn 2016. mad

La lubientscha da bajegiar n’è dentant betg anc en vigur legala. Ils recurrents pon far recurs entaifer 30 dis. Ussa vegn pigliada en mauns la tschertga d’investiturs per il project che custa 83 milliuns francs.

Tenor la vischnanca da Savognin saja avant maun ina decleraziun d’intenziun dad in investitur. Sper il lai Barnagn a Savognin èsi previs, da construir in bogn e hotel cun radund 240 letgs. Sin la sponda da Viols sur il hotel duai dar in resort da vacanzas che cumpiglia 8 chasas cun total 96 abitaziuns administradas.

RR novitads 09:00