Siglir tar il cuntegn

Grischun Central Project turistic a Savognin ha retard

La construcziun da 96 abitaziuns da vacanzas ed in hotel cun bogn a Savognin sa retardescha. La 'culpa' è tranter auter la lescha da segundas abitaziuns, di Patric Vincenz, il pledader dal project da la vischnanca Surses.

Il lai Barnagn cun vista sin il hotel cun bogn planisà - davos il hotel duai dar pliras chasas cun abitaziuns.
Legenda: Il lai Barnagn cun vista sin il hotel cun bogn planisà - davos il hotel èn planisadas abitaziuns. mad

Cun quai ch’il project 'Viols' al Lai Barnagn cumpiglia era la construcziun d’abitaziuns da vacanzas novas, ston ils patruns da construcziun resguardar la lescha da segundas abitaziuns ch’è ida en vigur l’emprim da schaner da quest onn. Las directivas d’execuziun dal departament chantunal sajan vegnidas relaschadas pir il zercladur, sin las talas ins haja stuì spetgar. «Ussa èsi anc ina giada da far la controlla e guardar sche quellas directivas han in’influenza sin il project da las abitaziuns da vacanzas», ha ditg Patric Vincenz. El quinta, ch’en il decurs da l’avust u settember ins possia communitgar dapli davart il project che prevesa investiziuns da 100 milliuns francs. L’investider principal Manfred Moschner haja durant sias visitas a Savognin adina puspè signalisà l’interess d’investir. «Ussa èsi da lavurar enavant e guardar ch’el saja era bun d’investir», ha ditg Patric Vincenz.

RR actualitad 12:00


Legende: Video Savognin - nagina decisiun davart il bogn public abspielen. Laufzeit 3:15 Minuten.
Or da Telesguard dals 17.11.2015.