Siglir tar il cuntegn
Inhalt

Grischun Central Puspè in festival da teater a Tusaun

A partir dals 1 fin ils 3 da zercladur 2018 ha lieu a Tusaun il 10avel Festival da teater Grischun per amaturs. Enfin ils 15 da december pon gruppas interessadas s’annunziar.

Ina gruppa da teater al festival da l'onn 2014 a Tusaun.
Legenda: Ina gruppa da teater al festival da l'onn 2014 a Tusaun. RTR, Federico Belotti

Il festival da teater vegn organisà da l’Uniun grischuna per il teater popular. Dapi l’onn 1989 datti regularmain in festival da teater. Quel è per solit a Tusaun, sulet il 2001 è il festival stà a Cuira, il 2004 a Haldenstein.

La finamira dal festival è il barat cultural da differentas parts linguisticas e da pussibilitar inscunters tranter las differentas gruppas da teater. L'ultim festival da teater è vegnì visità da radund 2000 persunas.