Jannine Brijker-Van der Reest suonda a Beatrix Vital, che chala pervi da la limitaziun dal temp d'uffizi. Plinavant è Beat Bislin da nov en la suprastanza. Reelegids èn Aurelia Spadin, Flurina Feltscher e Rico De Steffani.
Ils da Masein han plinavant approvà unanimamain il budget 2021. Quel quinta cun in gudogn da 10'533.00 francs, quai tar expensas da 2,4 milliuns francs. Plinavant quintan els cun investiziuns nettas da 255'000 francs tranter auter per la revisiun da la planisaziun locala e la transfurmaziun dal santeri.
