La radunanza communala da Tumein ha mesemna saira approvà in credit d'impegn da 770'000 francs per sanar la Obere Quaderstrasse e las lingias industrialas. Sco la vischnanca scriva, vegnia quai fatg en connex cun la nova rait da chalur a distanza da la Rhiienergie SA a Tumein.
Quint annual 2022 serra cun in plus
La populaziun ha era approvà il quint annual dal 2022. Quel serra cun in plus da stgars 93'000 francs - quai tar entradas da 7,04 milliuns francs ed expensas da 6,95 milliuns francs. Contribuì tar quest plus hajan cunzunt dapli entradas da taglia.
Sanaziun da l'infrastructura da las alps cun custs restants pli bass che previs
Plivanant ha il suveran prendì enconuschientscha dal quint final per la sanaziun da las alps. Quel è cun custs restants da radund 109'000 francs in toc sut la limita da 185'000 francs.