Siglir tar il cuntegn

Header

cuntegn

Radunanza communala Vischnanca da Lantsch vul prolungar contract cun Parc Ela

Sco penultima da sis vischnancas ha er quella da Lantsch approvà da prolungar il contract cun il Parc Ela. Quai ha la radunanza communala decis glindesdi saira unanimamain.

Gia avant il GEA da Lantsch èsi dentant stà cler, ch'il parc po cuntinuar cun ses manaschi per ulteriurs 10 onns. Per ch'il parc survegni glisch verda hai numnadamain mo duvrà in GEA da quatter vischnancas. La davosa vischnanca che decida è Surses e quai a l'urna ils 21 da favrer.

Ulteriuras decisiuns

Ils da Lantsch han ier plinavant approvà il preventiv da quest onn. Quel prevesa in deficit da radund 190'000 francs – quai tar expensas da var 7,3 milliuns francs.

In credit da 400'000 francs per la renovaziun da la plazza da parcar Sumvoi ha la radunanza dentant refusà. La decisiun è crudada cun 12 encunter 9 vuschs tar trais abstinenzas.

Ord l'archiv:

audio
Parc Ela: per tge vai insumma ed ils arguments pro / contra
ord Actualitad dals 20.11.2020.
laschar ir. Durada: 5 minutas 18 Secundas.

RTR novitads 06:00

Artitgels legids il pli savens