Siglir tar il cuntegn

Header

Remo Hosig (a dretga) e Stefan Honegger e lur finamira.
Legenda: Remo Hosig (dretg) e Stefan Honegger e lur finamira. RTR, Tona Poltera
cuntegn

«Rally Budapest – Bamako» In duo grischun, 8'000 kilometers via e duas emnas temp

Sin Remo Hosig e Stefan Honegger spetgan passa 8'000 kilometers en duas emnas. La «Rally Budapest – Bamako» vegn ad esser per els sfida ed aventura. Il patratg da sa gidar cun la populaziun en l'Africa è dentant er omnipreschent.

La «Rally Budapest – Bamako» è la pli gronda rallye dal mund per amaturs. Da vulair esser ina giada part dad ina rallye era per Remo Hosig da Donat stà cler, cura ch'in amitg ha raquintà da ses bab e da las aventuras da quel sco pilot da rallye.

«Durant mes viadi dal mund cun mia famiglia hai jau m'annunzià per quella rallye», raquinta il inschigner da victualias. Quai è stà il 2018.

Suenter esser turnà ha el cumenzà cun las preparaziuns. La gronda lavura saja stà da chattar l'auto adattà.

Suenter avair dumandà ses collega Stefan Honegger da Favugn, sch'el surpigliass la navigaziun ha l'aventura pudì cumenzar.

Il auto per l'aventura.
Legenda: Da principi è il auto per l'aventura pront. RTR, Tona Poltera

Nagina tema - ma grond respect

I dovri surtut fidanza en il partenari per ina tala rallye. Da quai èn els dus persvadids. «Il respect dovri per betg far sbagls», punctuescha il navigatur Stefan Honegger, cun quai che la rallye maina er tras regiuns da conflict armads. La fin finala saja dentant l'aventura, il sa gidar cun auters e la sfida il motor da quels dis che spetgan els.

La rallye parta ils 31 da schaner da Budapest e maina enfin ils 16 da favrer sur passa 8000 kilometers a Freetown en Sierra Leone.

RTR actualitad 07:00

Dapli da Grischun Centralavrir la Landingpage

Nach links scrollen Nach rechts scrollen