Partids èn Remo Hosig, ch'ha gì l'idea da sa participar a la rally Budapest-Bamako e ses navigatur Stefan Honegger la fin da schaner. Suenter 8'000 kilometers èn els turnads mez favrer en Svizra.
Be communablamain
Els hajan savì che la rally vegn a manar els e l'auto als cunfins. Cun «be» ina panna han els dentant er gì in tant cletg, di Remo Hosig, ch'ha gì l'idea per sa partizipar a la cursa. Cun il dieschavel plaz en lur categoria èn els uschia er fitg cuntents. «Dapli ch'il bun resultat quintan dentant las experientschas e las impressiuns durant la cursa», resumescha Hosig. Cun ir cun l'auto da Budapest e da la costa dal vest da l'Africa oragiu hajan els realisà ch'ins vegnì be communablamain vinavant - en la cursa ed en la vita.
La rally da charity ha tenor atgnas infurmaziuns purtà agid e prestaziuns en valur da 900'000 euros, ins ha plantà a Sierra Leone in iert grond da fritgs ed ina scola è vegnida renovada.