Guardar che tut ils bikers ch'utiliseschan las pendicularas portan mascras, timunar ils visitaders per evitar fullas da glieud e realisar il social distancing. Quai eran oriundamain las sulettas incumbensas dals rangers «Dentant è sa mussa: Las reglas da Corona da l'uffizi federal da sanadad vegnan realisadas dals osps, senza ch'els ston vegnir fatg attent. Nus rangers pudain uschia sa concentrar dad esser accogliaders, infurmar ils osps, separar els e mussar ad els la bella destinaziun.» Quai declera Daniel Ciapponi, il manader da la gruppa da rangers.
In concept cun futur
Dal fanadur enfin l'avust èn ils rangers en funcziun tar las pendicularas ma er tar il lido dal Heidsee. Er sch'ils turists sa tegnian per gronda part vi da las reglas da Corona – i dettia adina novs pensums, raquinta Daniel Ciapponi. Els veglian far sa sentir bain il giast, dar tips dad insider u anticipar dumondas e quitads. Perquai ch'ils resuns dals osps sajan stads uschè positivs, duain ils rangers restar en funcziun, er en il cas ch'ins vegnia d'eliminar il virus.