Rathgeb visita Center da Sanadad Savognin

Il president da la regenza grischuna Christian Rathgeb visita durant il 2016 tut ils 11 ospitals en Grischun. Quai per mussar l’impurtanza dals ospitals regiunals era en l'avegnir.

Gion Cola, Christian Rathgeb e Clemens Poltera Bild in Lightbox öffnen.

Legenda da maletgs: Da san.: Gion Cola, manader center, Christian Rathgeb, president da la regenza, Clemens Poltera, president center RTR, F. Belotti

Il Center da sanadad da Savognin è il segund ospital regiunal ch'il president da la regenza Christian Rathgeb visita. Enfin l’atun fa el la visita tar tut ils 11 ospitals dal chantun.

In dals temas è stà la collavuraziun

Sco quai che Christian Rathgeb ha ditg, dettia quai en ils ospitals grischuns anc grond potenzial. Per exempel vegnia il mument anc nizzegiada memia pauc la collavuraziun cun il turissem. Uschia pudess l'ospital era porscher per exempel wellness al pazient, sche quel vegn en il Grischun per sa laschar operar.

Nizzegiar sinergias

E potenzial vesa Christian Rathgeb era en las structuras. A Savognin vesia el gia in bun svilup, sco buns exempels numna el l'Engiadina Bassa ed il Puschlav, nua che tut ils purtaders da prestaziun èn unids sut in tetg. Quai gidia a spargnar blers daners d’administraziun, uschia Rathgeb.