Siglir tar il cuntegn

Header

audio
Agid dal Surses per Honduras suenter plirs huricans
Or da Actualitad dals 20.11.2020.
laschar ir. Durada: 2 minutas 38 Secundas.
cuntegn

Grischun Central Rauba d’agid dal Surses va en las Honduras

Dus huricans han laschà enavos grondas inundaziuns e donns quest mais en il pajais da l’America Latina. La fundaziun da Cunter «Yo Quiero Ser» ha perquai lantschà ina rimnada da rauba d’agid. Dapli che 400 stgatlas da bananas cun rauba d’agid e bleras matratschas èn vegnidas ensemen.

Sco quai che Daniela Steier, la responsabla dal project d’agid en il Surses ha ditg, è ella surpraisa quanta rauba ch’è vegnida rimnada. La solidaritad en la val saja fitg gronda ed ella veglia engraziar a tut ils gidanters che sajan vegnids a gidar, la collavuraziun saja stada fitg buna. La rauba d’agid vegn l’autr’emna tramessa cun containers en las Honduras. Il viadi cuzza radund trais emnas.

Anc enfin venderdi saira (20-11) a las diesch èsi pussaive da purtar rauba d'agid a Cunter en la scola veglia.

RTR actualitad 17:00

Artitgels legids il pli savens