Legenda:
Monika e Paul Zünd-Keller.
RTR, Federico Belotti
cuntegn
Grischun Central - Reavertura da l'Hotel Belfort ad Alvagni
Il Hotel Belfort ha puspè novs ustiers. Monika e Paul Zünd-Keller avran oz venderdi il hotel ch’è stà serrà dapi Pasca. En las lingias grassas era l'Hotel Belfort vegnì avant radund quatter onns, cur ch’ils possessurs avevan empruvà da vender l’hotel sur la plattafurma d’internet ricardo.ch.
Sco quai ch’il possessur da l'Hotel Belfort Markus Beer ha ditg, saja el fitg cuntent cun il nov pèr che haja gronda experientscha en la gastronomia e hotellaria.
A lunga vista saja anc adina la finamira da vender l'hotel, ma al mument saja in grev temp per vender in hotel. Il contract da fittanza cun il pèr ustier vala per tschintg onns. Il davos han Monika e Paul Zünd-Keller lavurà en in’ustaria pitschna en l’Appenzell Dadora. La cuschiniera Monika Zünd ha 14 puncts da «Gaut Millau».
