Siglir tar il cuntegn

Header

audio
Avertura scolas: Ida Fravi
Or da Novitads dals 06.05.2020.
laschar ir. Durada: 3 minutas 27 Secundas.
cuntegn

Reavertura da las scolas Tema na – respect schon

Ida Fravi instruescha dapi 40 onns e sa legra dal return dals scolars en stanza da scola. Cun ses 62 onns n'è ella dentant er betg uschè lunsch davent da la gruppa da risico ed ha uschia in tschert respect da quai che spetga ella. Specialmain sco pedagoga curativa.

La stanza da scola dad Ida Fravi a Lantsch è ina pitschna stanza. Maximalmain diesch scolars han in pult – en il temp da corona vegnan ils scolars da la pedagoga curativa ad esser pli paucs en stanza.

Ida Fravi ch'instruescha gia 40 onns ha sa fatg ils ultims dis divers patratgs, co che l'instrucziun dad ella vegn a sa midar e co ch'ella vegn a stuair midar sia instrucziun. «Tegnair en la distanza da dus meters vegn ad esser ina sfida» di la scolasta da 62 onns. Ils ultims dis ha ella er fatg divers patratgs co insumma sa confruntar a la nova situaziun.

Nagina tema – ma respect

Per la scolasta che sa legra fitg da puspè vesair ils scolars, èn las scolaras e la situaziun da corona er ina situaziun da sfidas tut particularas. En ses stretg conturn enconuscha ella insatgi ch'ha gì il virus. «Il medem mument resti nagut auter ch'avair fidanza» concluda Ida Fravi.

La fidanza ch'ils experts han raschun ch'ils uffants na surportan betg il virus. Tema saja in schlet cussegliader – il respect saja dentant schon preschent. Ma il pli grond saja il plaschair da puspè avair ils uffants en scola.

RTR novitads 07:00

Artitgels legids il pli savens