Grischun Central - Reavertura temporara da l'hotel Posta ad Andeer
L'hotel Posta ad Andeer ch’è serrà dapi il schaner da quest onn, duess vegnir renovà per plirs milliuns francs. Perquai che la planisaziun sa retardescha, vegn l'hotel avert l’avrigl, e quai per radund in mez onn.
Legenda:
Da san.: Gion Duri Cantieni, promotur da l'hotel; Stephanie Rebecca Westphal, cuschinunza, Ursina Tiri, ustiera; Joachim Röthlisberger, camerier.
RTR, Federico Belotti
2 / 4
Legenda:
Da san.: Joachim Röthlisberger, camerier; Ursina Tiri, ustiera; Stephanie Rebecca Westphal, cuschinunza; Gion Duri Cantieni, promotur da l'hotel.
RTR, Federico Belotti
3 / 4
Legenda:
L'hotel Posta ad Andeer duess vegnir renovà durant dus onns.
RTR, Federico Belotti
4 / 4
Legenda:
Ussa duessan l'hotel e l'ustaria vegnir renovadas per la terza giada.
RTR, Federico Belotti
La nova ustiera da l’hotel è Ursina Tiri (29) ch’ha lavurà il davos onns en Grezia en la hotellaria. Sco quai ch’ella ha ditg, sa legria ella da pudair manar l’hotel per radund in mez onn, enfin tar la renovaziun gronda. Las tschintg chombras duain vegnir dadas a fit per ils proxims sis mais. Cuschina duai dar plitost ina simpla, cun magari l’ina u l’autra giada ina grillada en il curtin.
audio
Saira: Andeer – Reavertura temporara da l'hotel Posta ad Andeer
02:55 min, ord Actualitad dals 28.03.2019.
laschar ir. Durada: 2 minutas 55 Secundas.
La renovaziun da l'hotel duess cumenzar il settember u l’october da quest onn, sche tut va tenor plan. La reavertura dal hotel ch’è vegnì construì l’onn 1894, duess esser l’atun 2021. L'hotel Posta ad Andeer è en possess da Robert Lombardini, ch’è stà enfin tar sia pensiun l’onn 2016 il president dal cussegl d’administraziun dal concern d’energia Axpo.
