Radund 44'000 persunas han visità il «Guaud magic» da Lai tranter ils 14 e 30 da december. Cumpareglià cun l’onn avant è quai radund 4000 entradas dapli, communitgeschan organisaturs. Uschia sa mussan ils organisaturs era cuntents. Gidà hajan l'aura cun naiv, uschia ch'ils dis suenter Nadal èn puspè stads frequentads il meglier, ha ditg co-iniziant e president dal comité d'organisaziun Giancarlo Pallioppi.
Quai è stà il pli bel guaud magic da tut temp.
Il Guaud magic cun sia cumbinaziun dad art da glisch, spezialitads culinaricas e concerts live datti dapi 6 onns. Per la proxima ediziun (13 fin 30-12-2019) vulan ils organisaturs cuntinuar cun il recept da success – però cun anc dapli qualitad e creativitad tar las installaziuns da glisch e cun novas culissas e decoraziuns.
RR novitads 15:00
