Siglir tar il cuntegn

Header

Navigaziun

cuntegn

Grischun Central Regiun Alvra: Carta turistica per trais regiuns turisticas

Las trais organisaziuns turisticas da la Regiun Alvra vulan collavurar meglier en l’avegnir. Quai è vegnì decidì a la davosa maisa radunda da las destinaziuns Savognin-Beiva Alvra, Lai e Bravuogn Filisur. In’idea è da crear ina carta turistica cuminaivla.

In tren da la Viafier retica sin il viaduct dal Landwasser
Legenda: Il traffic public duess esser inclus en la nova carta turistica. Viafier retica

La nova carta turistica duess avair num «Berg Erlebnis Card Albula». L’idea è che mintga regiun turistica offrescha trais purschidas cun in grond rabat, inclus duess era esser il traffic public che colliescha las trais regiuns turisticas. La nova carta na duess betg remplazzar las cartas turisticas existentas sco per exempel la Ela Card.

Sco quai ch’il sviluppader regiunal Daniel Kunfermann ha ditg envers RTR, duess la nova carta esser in supplement per quels giasts, che vulan nizzegiar ulteriuras purschidas da la regiun Alvra. L’avrigl s’inscuntran ils turistichers da la regiun, per definir il proxim agir.

RR actualitad 12:00