Siglir tar il cuntegn

Header

Navigaziun

Surmiran pudess en l'avegnir puspè esser la lingua scritta en scola.
Legenda: Surmiran pudess en l'avegnir puspè esser la lingua scritta en scola. RTR, Federico Belotti
cuntegn

Reintroducir surmiran 268 han suttascrit iniziativa che vul turnar tar l’idiom

Oz è vegnida surdada l’iniziativa dal pievel che vul reintroducir il rumantsch surmiran en scola da Savognin. Sco quai ch’il comité d’iniziativa ha ditg envers RTR, hajan els inoltrà 268 suttascripziuns a la vischnanca da Surses.

Necessarias èn 100 suttascripziuns valaivlas, per che l’iniziativa possia ir en votaziun. Tenor constituziun communala da Surses ha la vischnanca in onn peda, da laschar vuschar il suveran davart l’iniziativa.

Ils iniziants pretendan tranter auter, che l’abilitad da scriver e communitgar en surmiran svaneschia tar ils scolars, e ch’i na fetschia betg senn da mantegnair enavant il rumantsch grischun mo per singulas scolas en il chantun.

La scola a Savognin ha cumenzà l’onn da scola 2007/08 ad instruir en rumantsch Grischun.

RR novitads 20:00